Sarkar Ke Rozay ko Tarasti Hain Yeh Aankhein

سرکار کے روضے کو ترستی ہیں یہ آنکھیں دیدارِ محمد میں برستی ہیں یہ آنکھیں

اس بات کی دھن ہے انہیں بس دیکھیں مدینہ اس شوقِ جنوں میں نہیں تھکتی ہیں یہ آنکھیں

شاید کہ کمی ان میں ہے جلوؤں سے ہیں محروم ہر روز یہی بات سمجھتی ہیں یہ آنکھیں

لب میرے خموشی کی زباں بول رہےہیں مالا شہ ابرار کی جپتی ہیں یہ آنکھیں

No More Screenshots! Save Storage with Our Lyrics App!

اِن آنکھوں کو اس کے سوا بھاتا نہیں کچھ بھی ہجرِ غمِ سرور میں مچلتی ہیں یہ آنکھیں

اٹھ جاتی ہیں جس سمت تو رحمت ہے برستی پیغامِ خدا خلق کو دیتی ہیں یہ آنکھیں

اُمت کے لۓ روئیں جو ان آنکھوں کے صدقے اعظم کو بھی تو اپنا سمجھتی ہیں یہ آنکھیں