Sar Se Paon Tak Mojzah Mere Nabi Ki Zaat Hai

Sar se paaon tak mojaza mere Nabi ki zaat hai Jo hai shahkar-e-Khuda mere Nabi ki zaat hai

Sang-bari ki faza mein jo duaen kar gae Paikar-e-sabr-o-raza mere Nabi ki zaat hai

Harf-e-Iqra ki sadaen goonjti thin ghaar mein Sahib-e-Ghaar-e-Hira mere Nabi ki zaat hai

No More Screenshots! Save Storage with Our Lyrics App!

Hai Khalil-ullah, Zabih-ullah, Kalim-ullah magar Sirf Mehboob-e-Khuda mere Nabi ki zaat hai

Aap ke daaman ka saaya nek-o-bad sab pa gae Rehmaton ka silsila mere Nabi ki zaat hai

Hon Abu Bakr-o-Umar ya hon Usman-o-Ali Un sitaron mein ziya mere Nabi ki zaat hai

Noor pehle baad mein ba's ujagar ho gai Ibtida-o-intiha mere Nabi ki zaat hai