Sada Mein Sitara Sitara Karun

Sada mein sitara sitara karoon Muhammad ﷺ Muhammad ﷺ pukara karoon

Dil-o-jaan se naat-e-Nabi ﷺ mein sunoon Dil-o-jaan ko aise sawara karoon

Khila in gulon mein Muhammad ﷺ ka naam Main zakhmon ka apne nazara karoon

Find Your Favorite Lyrics Anytime, Anywhere - Install the App Today!

Khuda ki taraf se basharat mile Ba-naam-e-Nabi ﷺ istikhara karoon

Main ashkon ki surat nazar dar nazar Muhammad ﷺ ka sadqa utara karoon

Jigar sabz patti se kaatoon agar To manzar hara aashkar karoon

Likhoon naat Saqib aqeedat bhari Ke khoon-e-jigar isti'ara karoon