Sada Mein Sitara Sitara Karun

صدا میں ستارہ ستارہ کروں محمدؐ محمدؐ پکارا کروں

دل وجاں سے نعتِ نبیؐ میں سنوں دل و جاں کو ایسے سنوارا کروں

کِھلا ان گلوں میں محمدؐ کا نام میں زخموں کا اپنے نظارہ کروں

خدا کی طرف سے بشارت ملے بنامِ نبیؐ استخارہ کروں

میں اشکوں کی صورت نظر در نظر محمدؐ کا صدقہ اتارا کروں

Download Lyrics & Access Offline - Install Our App Now!

جگر سبز پتی سے کاٹوں اگر تو منظر ہرا آشکار کروں

لکھوں نعت ثاقب عقیدت بھری کہ خونِ جگر استعارہ کروں