Rehmat Ki Ho Jaye Najarya

Rahmat ki ho jaaye najriya rahmat-e aalam zaat teri hai Tu Lajpal Kareem hai Aqa tere karam ki aas bari hai

Teri ata ka rang juda hai baab-e karam har waqt khula hai Kaun wa makaan mein shahr shahaan mein tere karam ki dhoom machi hai

Har ek rang mein rang tera hai sab se accha sang tera hai Aalam-e aalam jaan do aalam naam tera hai baat teri hai

Nakhri nakhri subah karam hai roshan roshan shaam-e haram hai Shahr-e Nabi ki baat nah poochho Shahr Nabi phir Shahr-e Nabi hai

Ye mere murshid ki ata hai warna meri awqat hi kya hai Mahfil mahfil lahza lahza mere labon par naat-e Nabi hai

Instant Access to Thousands of Lyrics - Tap to Install!

Sadaqa de awlad-e Ali ka main bhi gada hoon teri gali ka Main muhtaj to mera daata main mangta to mera sakhi hai

Apne Owais wa Bilal ka sadaqa apni pyari aal ka sadaqa Bakhsh mujhe bhi ishq ki daulat tere ghar kis shay ki kami hai

Hasn-e amal kuch paas nahi hai sharminda sajdoon se jabeen hai Dar pe tere aan gira hoon aage Aqa tere khushi hai

Din dekhe hain tune khushi ke gaaray Niaziؔ geet Nabi ke Jin ke naam ke sadaqe tera naam hua hai baat bani hai