Rehmat Ki Ho Jaye Najarya

رحمت کی ہو جاۓ نجریا رحمتِ عالم ذات تری ہے تو لجپال کریم ہے آقا تیرے کرم کی آس بڑی ہے

تیری عطا کا رنگ جدا ہے بابِ کرم ہر وقت کھلا ہے کون ومکاں میں شہر شہاں میں تیرے کرم کی دھوم مچی ہے

ہر اک رنگ میں رنگ ترا ہےسب سے اچھا سنگ ترا ہے عالمِ عالم جان دو عالم نام ترا ہے بات تیری ہے

نکھری نکھری صبح کرم ہے روشن روشن شامِ حرم ہے شہرِ نبی کی بات نہ پوچھوشہرِنبی پھر شہرِ نبی ہے

یہ میرے مرشد کی عطا ہےورنہ میری اوقات ہی کیا ہے محفل محفل لمحہ لمحہ میرے لبوں پر نعتِ نبی ہے

صدقہ دے اولادِ علی کا میں بھی گدا ہوں تیری گلی کا میں محتاج تو میرا داتا میں منگتا تو میرا سخی ہے

اپنے اویس و بلال کا صدقہ اپنی پیاری آل کا صدقہ بخش مجھے بھی عشق کی دولت تیرے گھر کس شے کی کمی ہے

حسنِ عمل کچھ پاس نہیں ہے شرمندہ سجدوں سے جبیں ہے در پہ تیرے آن گرا ہوں آگے آقا تیری خوشی ہے

Your Lyrics, Even Offline - Install the App for Free!

دن دیکھے ہیں تونے خوشی کے گارے نیازیؔ گیت نبی کے جن کے نام کے صدقے تیرا نام ہوا ہے بات بنی ہے