Rehmat Baras Rahi Hai Muhammad Ke Shehar Main

Rahmat baras rahi hai Muhammad ﷺ ke shehar mein Har shay mein taazgi hai Muhammad ﷺ ke shehar mein

Never Be Without Your Favorite Lyrics - Get the App for Offline Access!

Aate hain bakhshwane gunahon ko gunahgaar Qismat badal rahi hai Muhammad ﷺ ke shehar mein

Aisa laga ke saamne khud aa gaye Huzoor ﷺ Ik naat jab padhi hai Muhammad ﷺ ke shehar mein

Daulat sukoon ki har jagah hum dhoondte rahe Aakhir yeh mil gayi hai Muhammad ﷺ ke shehar mein

Har samt aa rahi hain sadaein durood ki Ik dhoom si machi hai Muhammad ﷺ ke shehar mein

Roshan hain jis ke noor se dono jahan Riaz ؔ Aisi shama jali hai Muhammad ﷺ ke shehar mein