Rasool e Khuda Syed Al Mursaleen

Rasool-e-Khuda Sayyid-ul-Mursaleen ﷺ Qayamat ke din Shafe-ul-Mudhnibeen

Nabuwat ki masnad ka hai jaansheen Kiya jis ki tazeem Rooh-ul-Ameen

Ajab roz-e-mahshar ka sardar hai Saf-e-asfiya mein woh salar hai

Jagat mein use saltanat hai mudam Jamaat mein hai ambiya ki imam

Rah-e-shar ki hadi-e-mustaqeem Shariyat ke darya ka dur-e-yateem

Habib-e-Khuda wali-e-rozgar Do-aalam ki iqleem ka tajdar

Free Up Space - Get Lyrics Without Bulky Screenshots!

Shah-e-ins-o-jaan sab ka maqbool hai Nabuwat ke gulzar ka phool hai

Ke jis waste khalq paida kiya Zameen aasmaan sab huwaida kiya

Kaha Haq ne Lawlak jis shaan mein Shehanshah hai mulk-e-irfan mein

Sada gum-raahon ka wahi rehnuma Hai Khair-ul-Wara Ahmad-e-Mujtaba

Ajab zaat maqbool-e-konain hai Ke konain ka qurrat-ul-ain hai