Rasool e Khuda Syed Al Mursaleen

رسولِ خدا سید المرسلینؐ قیامت کے دن شافعِ المذنبیں

نبوت کی مسند کا ہے جانشیں کیا جس کی تعظیم روح الامیں

عجب روزِ محشر کا سردار ہے صفِ اصفیا میں وہ سالار ہے

جگت میں اوسے سلطنت ہے مدام جماعت میں ہے انبیاء کی امام

رہِ شرع کا ہادئ مستقیم شریعت کے دریا کا دُرِ یتیم

حبیبِ خدا والیِ روزگار دوعالم کی اقلیم کا تاجدار

شہِ انس و جاں سب کا مقبول ہے نبوت کے گلزار کا پھول ہے

Find Your Favorite Lyrics Anytime, Anywhere - Install the App Today!

کہ جس واسطے خلق پیدا کیا زمیں آسماں سب ہویدا کیا

کہا حق نے لولاک جس شان میں شہنشاہ ہے ملکِ عرفان میں

سدا گم رہوں کا وہی رہنما ہے خیرالورا احمدِ مجتبیٰ

عجب ذات مقبول کونین ہے کہ کونین کا قرۃ العین ہے