Rahi Umar Bhar Jo Anees

Rahi umr bhar jo anees-e-jaan woh bas aarzu-e-Nabi rahi Kabhi ashk ban ke rawan hui kabhi dard ban ke dabi rahi

Shah-e-deen ki fikr-o-nigah se mite nasl-o-rang ke tafriqay Na raha tafakhur-e-mansabi na ra’unat-e-nasabi rahi

Sar-e-dasht-e-zeest baras gaya jo sahab-e-rehmat-e-Mustafa Na kharo ki be-samari rahi na junoon ki tishna-labi rahi

Why Screenshot When You Can Download? Get the App for Efficient Storage!

Thi hazaar teergi-e-fitan na bhatak saka mera fikr-o-fan Meri kainaat-e-khayal par nazar Shah-e-Arabi rahi

Woh Safa ka mehar-e-muneer hai talab us ki noor-e-zameer hai Yahi rozgaar-e-faqeer hai yahi iltija-e-shabi rahi

Wohi sa'atein thin suroor ki wohi din thay haasil-e-zindagi Ba-huzoor-e-Shafi-e-Umam meri jin dinon talabi rahi