Rab Ne Faryad Ko Pur Asar Kar Diya

Rab ne faryad ko pur-asar kar diya Phir Nabi ﷺ ne mujhe jholi bhar kar diya

Dhoop mein chhaon banne ki taufiq di Ek pauday se mujh ko shajar kar diya

Rah-rau jis jagah koi chalta na tha Woh ﷺ chala to usay rahguzar kar diya

Rah mein tareek jungle tha aur Aap ﷺ ne Roshni ko mera ham-safar kar diya

Sab ki aankhein to thin par baseerat na thi Aap ﷺ ne sab ko sahib-e-nazar kar diya

Teelon tubon ke kankar thay insaan bhi Aap ﷺ ne chhoo ke un ko gohar kar diya

Aap ﷺ ne apne akhlaq-o-kirdar se Husn-e-insaan abad tak amar kar diya

No More Screenshots! Save Storage with Our Lyrics App!

Daad ahl-e-sukhan se mili hai mujhe Aap ﷺ ke zikr ne motabar kar diya