Qalb Mein Ishq e Aal Rakha Hai

Qalb mein ishq-e-Aal rakha hai Khoob is ko sambhaal rakha hai

Aisa jood-o-nawal rakha hai Sab ghulamon ko paal rakha hai

Shukr tera ke un ki ummat mein Mujh ko ae Zuljalal rakha hai

Stop Wasting Storage - Download Lyrics in Lightweight Text Format!

Jama kar ke kabhi na Sarwar ne Koi maal-o-manaal rakha hai

Hubb-e-dunya ne Ya RasoolAllah Mujh ko mushkil mein daal rakha hai

Jo bhi dekhe bane woh deewana Un mein aisa jamal rakha hai

Jald leeje khabar gunahon ke Dard ne kar nidhal rakha hai

Aisa do ishq sab kahen is ke Dil mein soz-e-Bilal rakha hai

Naar-e-dozakh jalaye gi kyun kar Dil mein ishq un ka daal rakha hai

Hoon gunahgar par ghulamon mein Tum ne ab bhi bahaal rakha hai

Main nisaar aap ne sada mera Har qadam par khayal rakha hai

Main jahannam mein gir gaya hota Aap hi ne sambhaal rakha hai

Mustafa ne hamare aibon par Parda daman ka daal rakha hai

Shukriya tum ne Aal ka sadqa Meri jholi mein daal rakha hai ’’ Chal Madinah‘‘ ki bheek mil jaaye Aashiqon ne sawal rakha hai

De do zaad-e-safar Madine ka Sailon ne sawal rakha hai

Dekho deewano! sabz gumbad mein Kaisa husn-o-jamal rakha hai

Kyun jahannam mein jaaun seene mein Ishq-e-Ashab-o-Aal rakha hai

Main kabhi ka bhatak gaya hota Aap hi ne sambhaal rakha hai

Aashiq-e-maal is mein soch aakhir Kya urooj-o-kamaal rakha hai?

Tujh ko mil jaaye ga jo qismat mein Teri, rizq-e-halal rakha hai

Is jahan ke kamaal mein be-shak Ik na ek din zawaal rakha hai

Tujh se Aaqa tere sawali ne Maghfirat ka sawal rakha hai

Sun lo shaitan ne har su shehwat ka Khoob phaila ke jaal rakha hai

Jannati hai woh jis ne sunnat ke Khud ko sanche mein dhaal rakha hai

Jo hai gustakh-e-Mustafa us ko Main ne dil se nikal rakha hai

Kis qadar bakhtawar hai woh momin Jis ke paas un ka baal rakha hai

Muflisi ka main kyun karoon shikwa Naimaton se nihaal rakha hai

Maal ki hirs mat karo is mein Do jahan ka wabaal rakha hai

Yeh karam hi to un ka hai Attar Tujh nikamme ko paal rakha hai