Pur Kaif Kis Qadar

Pur-kaif kis qadar gham-e-pinhan hai ae Huzoor ﷺ Mera yahi dafeena-e-imaan hai ae Huzoor ﷺ

Hum aap ﷺ ke maqam ko samjhe nahi, baja! Apne wujood ka hi kab irfan hai ae Huzoor ﷺ

Ummat pe kitni aaj garan ho gayi hayat Arzan bahut hi khoon-e-Musalman hai ae Huzoor ﷺ

Find Your Favorite Lyrics Anytime, Anywhere - Install the App Today!

Shiraza-band-e-shauq hai teri nigah-e-lutf Shiraza-e-khayal pareshan hai ae Huzoor ﷺ

Ehsan o adl o amn ke naaron ke bawajood Tehzeeb saari jang ka maidan hai ae Huzoor ﷺ

Majrooh kitni ghairat-e-Adam hai aaj kal Mazloom kitni azmat-e-insaan hai ae Huzoor ﷺ

Kis shan se hua dil-e-ashiq laho-luhan Jaise ye koi la'l-e-Badakhshan hai ae Huzoor ﷺ

Laashe tarap rahe hain sar-e-daar o zer-e-tegh Kya har taraf ye hashr ka saman hai ae Huzoor ﷺ

Kuchle hue se kyun hain khayalat-e-Arsh-geer Sehma hua sa kyun mera imaan hai ae Huzoor ﷺ