Phir Se Bulao Jald Madine Mein

Phir se bulaao jald Madine mein Ya Rasool Kardo karam Huzoor! paye Fatimah Batool

Duniya parast zar pe mare gul pe andaleeb Apna to intekhab Madine ka hai babool

Beemar-e-hijr ka abhi ho jaayega ilaaj Jaa'o utha ke laao Madine ki thodi dhool

Duniya ki lizzaton se meri jaan chhoot jaaye Mujh ko bana de Ya Khuda to aashiq-e-Rasool

Meri zabaan tar rahe zikr-o-durood se Be-ja hanson kabhi na karoon guftagu fuzool

Meri pasand khaar-e-Madinah hai bulbulon Le kar main kya karoon ga tumhaare yahan ke phool

Khush-bakht be-shumaar Madine mein dafan hain Ho jaaye in mein kaash! mera bhi kabhi shumool

Parchar sunnaton ka jo karta hai raat din Hardam ho us pe rehmaton ka Ya Khuda nuzool

Deta hoon tujh ko wasta Ya Rabb Huzoor ka Har har khata tu bakhsh de kar har muaaf bhool

Ghaus-o-Raza ka wasta Ya Shaafi-e-Umam Rakhna na mujh ko hashr mein ranjeeda-o-malool

Gar lamha bhar bhi haziri Taibah ki ho naseeb Haasil yahi hai zeest ka mehnat hui wasool

Download Lyrics & Access Offline - Install Our App Now!

Sarkar! chaar yaar ke sadqe mein ho karam Attar ko sada ke liye kar lo tum qabool