Phir Mujhe Aaqa Madine Mein

Phir mujhe Aaqa Madine mein bulaya shukriya Shukriya phir Gumbad-e-Khizra dikhaya shukriya

Jis jagah aathon pahar anwaar ki hain baarishein Aisi noorani fazaon mein bulaya shukriya

Rauza-e-Anwar ke zaair ke shaha tum ho shafee Meri bakhshish ka bahana yun banaya shukriya

Phir tawaf-e-Khana-e-Kaaba ka bakhsha hai sharaf Khoob Aaqa aab-e-zam zam bhi pilaya shukriya

Mujh se aasi ko sharaf hajj ka ata farma diya Kis zaban se ho ada tera Khudaya shukriya

Ya Ilahi! apne pyare ki wiladat gah ka Meethe Makkah mein mujhe jalwa dikhaya shukriya

Bheek lene ke liye Ya Rab Habib-e-Pak ka Aastana hum ghareebon ko dikhaya shukriya

Phir Madine ki haseen o khoobsurat wadiyon Ka haseen o dilkusha manzar dikhaya shukriya

Masjid-e-Nabvi ke mehrab aur minbar ka shaha! Dilnawaz o dilruba jalwa dikhaya shukriya

Munh lagata tha kahan duniya mein koi bhi mujhe Aise nakara nikam'me ko nibhaya shukriya

Aah! tum roya kiye ummat ke gham mein Ya Nabi Hausla hum aasiyon ka yun badhaya shukriya

Khud rahe bhooke shikam par apne patthar bandhe aur Pyar se tum ne hamein khana khilaya shukriya

Find Your Favorite Lyrics Anytime, Anywhere - Install the App Today!

Mujh zaleel o khwar dunyadar ki auqat kya! Main Nisar Aaqa mujhe phir bhi nibhaya shukriya

Ya RasoolAllah! logon ne mujhe thukra diya Tha magar tu ne mujhe apna banaya shukriya

Is qadar lutf o inayat apne nafarman par Apne gham mein apni ulfat mein rulaya shukriya

Sunnaton ko aam karne ka mujhe jazba diya Ahl-e-Sunnat ka mujhe khadim banaya shukriya

Shukriya kyonkar shaha tere karam ka ho ada Mujh se aasi ko ghulam apna banaya shukriya

Meri izzat Ahl-e-Sunnat ke dilon mein daal di Aur aada par mira sikka bithaya shukriya

Dil se jis ne bhi Aghisni Ya RasoolAllah! kaha Aafton se aap ne us ko bachaya shukriya

Khatima bil khair ho mera Madine mein agar Baal baal utthe pukare apna, Khudaya shukriya

Dafn karke jab mire ahbab Aaqa chal diye Lahad ko jalwon se aakar jagmagaya shukriya

Pyaas abhi badhne bhi payi thi na meri hashr mein Jaam-e-Kausar jald rahmat se pilaya shukriya

Aib mahshar mein khulahi chahte the main Nisar Dhak ke parda apne daman ka chhupaya shukriya

Sue dozakh jab malaik mujh ko lekar chal diye Main tere sadqe mujhe aakar chhudaya shukriya

Shukriya kyonkar ada ho aap ka Ya Mustafa Hai padosi khuld mein apna banaya shukriya

Garchih shetan har ghari imaan ki hai ghaat mein Tum ne thama, jab kabhi main dagmagaya shukriya

Daulat-e-imaan ata ki apne daman mein liya Kufr se hum benawaon ko bachaya shukriya

De diya Attar ko murshid Ziyauddin sa Aur sag-e-Ghaus o Raza is ko banaya shukriya