Phir Madine Ki Fizayein

Phir Madine ki fazayein pa gaya Ya Rasool Allah mujrim aa gaya

Apne sar par laad kar baar-e-gunah Ya Rasool Allah mujrim aa gaya

Aah! palle nekiyan kuch bhi nahin Ya Rasool Allah mujrim aa gaya

Is ke naame ki siyahi door ho Ya Rasool Allah mujrim aa gaya

Nekiyon se do badal is ke gunah Ya Rasool Allah mujrim aa gaya

Dejiye is ko shafa’at ki sanad Ya Rasool Allah mujrim aa gaya

Az paye Ghous-o-Raza ho maghfirat Ya Rasool Allah mujrim aa gaya

Sadqa shahzadon ka ho chashm-e-karam Ya Rasool Allah mujrim aa gaya

Le kar umeed-e-karam jaan-e-karam Ya Rasool Allah mujrim aa gaya

Wasta Zahra ka do khuld-e-bareen Ya Rasool Allah mujrim aa gaya

Us ko bhi tum toh lagate ho gale Jis ko har darwaze se tala gaya

Ae mere sarwar ata ho chashm-e-tar Bheek lene dar pe mangta aa gaya

Qalb-e-muztar ka sawali hoon shaha Bheek lene dar pe mangta aa gaya

Dejiye soz-e-jigar Sultan-e-Deen Bheek lene dar pe mangta aa gaya

Mera seena hi Madina do bana Bheek lene dar pe mangta aa gaya

Ya Nabi qufl-e-Madina dejiye Bheek lene dar pe mangta aa gaya

Sayyidi! akhlaq achhe kijiye Bheek lene dar pe mangta aa gaya

Le ke kashkol aap ke darbar mein Bheek lene dar pe mangta aa gaya

Door ho jaye gunahon ka marz Bheek lene dar pe mangta aa gaya

Do bana mujh ko pasandida ghulam Bheek lene dar pe mangta aa gaya

Daulat-e-ikhlas ho Aaqa ata Bheek lene dar pe mangta aa gaya

Aap ki nazar-e-karam joon hi padi Abr-e-rehmat mere sar par chha gaya

Al-madad ae Amina ke ladle Haye! mujh par nafs ghalib aa gaya

Badr-e-kamil dekh kar talwa tera Faq hua pheeka pada sharma gaya

Allah Allah! aap ka husn-o-jamal Dost kya dushman ke dil ko bha gaya

Dushman-e-Mehboob Bu-Jahl-e-la’een Badr mein ruswa hua mara gaya

Gulshan-e-aalam ki kya dekhun bahaar Mere dil ko dasht-e-Tayyaba bha gaya

Nakhun-e-paki ziyayein marhaba! Yeh hilal-e-Eid bhi sharma gaya

Sabz gumbad ki baharein dekh lo! Aankh kholo dekho Roza aa gaya

Le ke palta un se munh mangi murad Jo koi darbar mein mangta gaya

Qafila soye Madina jab chala Lab pe na'aton ka tarana aa gaya

Chaand do tukde hua sadqe gaya Jab ishara Mustafa ka pa gaya

Pa ke marzi Sarwar-e-Konain ki Dooba sooraj phir palat kar aa gaya

Marhaba sall-e-ala ka shor utha Hashr mein jab un ka deewana gaya

Naaz uthaye the jahan mein jis ke woh Hashr mein naazon ka pala aa gaya

Hashr mein un ke gada ko dekh kar Khud jahannam ko paseena aa gaya

Aankh thandi ho tere deedar se Talib-e-deedar dar par aa gaya

Stop Wasting Storage - Download Lyrics in Lightweight Text Format!

Shor utha mehshar mein yeh charon taraf Aa gaya Attar un ka aa gaya