Phir Gumbad e Khizra Ki

Phir Gumbad-e-Khazra ki fizaon mein bulalo Sarkar bula kar mujhe qadmon se lagalo

Qadmon se laga kar mujhe deewana banalo Duniya ki mohabbat ko mere dil se nikalo

Go khwar-o-gunahgar hoon jaisa hoon tumhara Sarkar! nibhalo mujhe Sarkar nibhalo

Sadqa mujhe Sarkar nawason ka ata ho Aghyar ke tukron se Shahanshah bachalo

Ya Shah-e-Madinah meri imdad ko aao Aafat-o-baliyaat ke panjon se nikalo

Toofan ki maujon mein jahaz apna ghira hai Sarkar! bachalo ise Sarkar! bachalo

Sarkar! mere khoon ka pyasa hua dushman Shahzadon ka sadqa mujhe dushman se bachalo

Ujar hui jaati hai meri zeest ki basti Ho jaye gi aabad nazar lutf ki daalo

Veeran hua jata hai khushiyon ka gulistan Is ujray chaman par bhi nigah-e-lutf ki daalo

Dam torne wala hai gunahon ka mareez ab Aye jaan-e-Maseeha! ise tum aake bachalo

Marne ka sharaf ab to Madine mein ata ho Dar dar ki mujhe thhokron se Shah bachalo

Madfan ho ata meethay Madine ki gali mein Lillah parosi mujhe jannat mein bana lo

Khenchay liye jaatay hain jahannam ko malaik Aye Shafe-e-Mahshar paye Shaikhain bachalo

Furqat mein taraptay hain jo maskeen becharay Asbab ata kar ke unhein dar pe bulalo

Instant Access to Thousands of Lyrics - Tap to Install!

Mehboob-e-Khuda! sar pe ajal aake khari hai Shaitan se Attar ka imaan bachalo