Phir Ehle Haram Se

Phir ahl-e-haram se mulaqat hoti Phir ashkon se kuch sharh-e-jazbaat hoti

Dam-e-deed phir jalwa-e-nau-ba-nau se Mere chashm-o-dil ki mudaraat hoti

Madine ki pur-noor dilkash faza mein Nazar mahv-e-deed-e-maqamaat hoti

More Lyrics, Less Storage - Install the App and Ditch the Screenshots!

Udhar jalwa-gar gumbad-e-noor hota Dil-afroz udhar chandni raat hoti

Madine ke ahbaab hamrah hote Shab-e-maah mein sair-e-baaghat hoti

Nazar mast-e-sahba-e-deedaar rehti Zabaan waqf-e-harf-o-hikayaat hoti

Khabar kuch na rehti zameen-o-zamaan ki Woh mahviyat-e-khaas din raat hoti

Pahunch jaayein paayin-e-aqdas ki jaanib Yehi aarzu aksar auqaat hoti

Tasawwur mein woh mushaf-e-paak hota Nigahon mein tanveer-e-aayaat hoti

Duaon mein Jami ki ash'aar parhte Nizami ki lab par munajaat hoti