Phir Ata Kar Dijiye Hajj

Phir ata kar dijiye Hajj ki sa'adat Ya Rasul Ho Madine ki ijazat bhi inayat Ya Rasul

Hajj ka mausam agaya hujjaj ne bandhi kamar Mere Hajj ki bhi koi hojaye surat Ya Rasul

Chal pade hain qafilon par qafile su-e-Hijaz Main raha jata hoon haye! jaan-e-rehmat Ya Rasul

Stop Wasting Storage - Download Lyrics in Lightweight Text Format!

Ya Rasullallah! sadqa Fatima ke laal ka Dijiye mujh ko Madine ki ijazat Ya Rasul

Sabz gumbad ki fazaon mein bulalo ab mujhe Az paye Shah-e-Imam-e-Ahle Sunnat Ya Rasul

Gar meri taqdeer mein doori likhi hai Ya Nabi Har ghadi mujh ko rulaye teri furqat Ya Rasul

Sadqa Siddiq o Umar Usman o Haidar ka huzoor Gham-e-Madine ka mujhe kar do inayat Ya Rasul

Dil se duniya ki mohabbat door kar ke dijiye Apni ulfat apni chahat dard o riqqat Ya Rasul

Taj-e-sultani hai meri thhokaron par Ya Nabi Tera na'l-e-pak mera taj-e-izzat Ya Rasul

Toot jaye dam Madine mein Sheha! Attar ka Aur Baqi-e-pak mein ban jaye turbat Ya Rasul