Noor e Mujasam Rehmat Alam Pyare Muhammad Aye

Noor-e-Mujassam Rahmat-e-Aalam Pyare Muhammad ﷺ aaye Pyare Aaqa ki Aamad pe Noor ke Badal chhaaye Bolo haq Nabi ﷺ Bolo haq Nabi ﷺ

Aayi Aayi Subah Bahaaran Noor hi Noor hai Chhaaya Phool khulay khushbooen jaagen har manzar muskaaya Door hua tareek zamana deep jale khushboon ke Pyare Aqa ki Rahmat ke chhaaye hum par saaye Bolo haq Nabi ﷺ Bolo haq Nabi ﷺ

Barah-e-Rabi' al-Noor ko aaye hain Noor-e-Yazdani Sundar Sundar dharti sari ambar hain Noorani Toot gayi zanjir-e-Mal ki har jaanib hai shaadi Baam o Dar hain aaj munawar jhanday hain lehraye Bolo haq Nabi ﷺ Bolo haq Nabi ﷺ

Abdullah ke Noor-e-Nazar jab Noor ka Jhoola jhulein Chand khilona Noor Khuda ka jab woh Chand se khelain Lori de do jag ka Khalik soo ja Rahmat wale Hoorain gayen Naghma Jhoola Jibra'il Jhilaaye Bolo haq Nabi ﷺ Bolo haq Nabi ﷺ

Instant Access to Thousands of Lyrics - Tap to Install!

Sakhiyon ke Sultan sakhi hain shaan Nabi kya kahen Khub karam hota hai un par jaayein wahan jo rahe Ibn-e-Ali ka sadaqa lene is dar par hain haazir Ghaus Qutb Abdal Qalandar daman ko phailaaye Bolo haq Nabi ﷺ Bolo haq Nabi ﷺ

Lab par aaya azmat wala naam Muhammad ﷺ jab bhi Qasam-e-Khuda ki dil ki haalaat chain o sukoon mein badli Rum-jhum rum-jhum Rahmat Rabb ki shaam sawere barse Is deewane par jo aankhon se yeh naam lagaaye Bolo haq Nabi ﷺ Bolo haq Nabi ﷺ