Nigah e Lutf Ke Umeedwar Hum Bhi Hain

Nigah-e-lutf ke umeedwar hum bhi hain Liye hue yeh dil-e-beqarar hum bhi hain

Hamare dast-e-tamanna ki laaj bhi rakhna Tere faqiron mein ae Shahryar hum bhi hain

Tumhari ik nigah-e-karam mein sab kuch hai Pade hue to sar-e-rahguzar hum bhi hain

Jo sar pe rakhne ko mil jaye na'l-e-pak huzoor ﷺ To phir kahenge ke haan tajdar hum bhi hain

Idhar bhi to sun-e-aqdas ke do qadam jalwe Tumhari rah mein musht-e-ghubar hum bhi hain

Get Lyrics On-The-Go! Download Our App Now!

Hamari bigdi bani unke ikhtiyar mein hai Supurd unhi ke hain sab karobar hum bhi hain

Hasan hai jin ki sakhawat ki dhoom aalam mein Unhi ke tum bhi ho ik reza khwar hum bhi hain