Nahi Hai Koi Dunya Mein

Nahin hai koi duniya mein hamara Ya RasoolAllah Faqat hai aap hi ka ik sahara Ya RasoolAllah

Sarapa ma'siyat hoon baar hai be-had gunahon ka Bachana naar-e-dozakh se khudara Ya RasoolAllah

Faqat hai aap hi ka ik sahara Ya RasoolAllah Talatum-khez hai dariya bhanwar mein hai meri kashti

Nazar aata nahin koi kinara Ya RasoolAllah Faqat hai aap hi ka ik sahara Ya RasoolAllah

Faqat a'maal ke badle na paye ga koi jannat Na ho ga jab talak tera ishara Ya RasoolAllah

Faqat hai aap hi ka ik sahara Ya RasoolAllah Haqeeqat mein bahut barh kar ke hai Arsh-e-Mu'alla se

Zameen jis par ho naqsh-e-pa tumhara Ya RasoolAllah Faqat hai aap hi ka ik sahara Ya RasoolAllah

Tarapta hai mera dil aur tarasti hain bahut aankhein Bula lo phir Madine mein dobara Ya RasoolAllah

Faqat hai aap hi ka ik sahara Ya RasoolAllah Gunah-garan-e-ummat ka khajil hona saza paana

Teri rehmat ko kab ho ga gawara Ya RasoolAllah Faqat hai aap hi ka ik sahara Ya RasoolAllah

Find Your Favorite Lyrics Anytime, Anywhere - Install the App Today!

Dam-e-aakhir zara Husam par itna karam karna Ke us ke lab par ho kalma tumhara Ya RasoolAllah

Faqat hai aap hi ka ik sahara Ya RasoolAllah Nahin hai koi duniya mein hamara Ya RasoolAllah