Nabi Sarwar Har Rasool o Wali Hai

Nabi sarwar-e-har rasool-o-wali hai Nabi raaz-daar-e-Ma’Allah-li hai

Woh naami ke naam-e-Khuda naam tera Rauf-o-Raheem-o-Aleem-o-Ali hai

Hai betab jis ke liye Arsh-e-A’zam Woh us rahro-e-la-makaan ki gali hai

Nakeerain karte hain ta’zeem meri Fida ho ke tujh par yeh izzat mili hai

Talatum hai kashti pe toofan-e-gham ka Yeh kaisi hawa-e-mukhalif chali hai

Na kyon kar kahoon ya habeebi aghisni Isi naam se har museebat tali hai

Download Lyrics & Access Offline - Install Our App Now!

Saba hai mujhe sarsar-e-dasht-e-Tayyaba Isi se kali mere dil ki khili hai

Tere charon hamdam hain yak jaan yak dil Abu Bakr, Farooq, Usman, Ali hai

Khuda ne kiya tujh ko aagah sab se Do aalam mein jo kuch khafi-o-jali hai

Karoon arz kya tujh se ae Aalim-us-Sir Ke tujh par meri halat-e-dil khuli hai

Tamanna hai farmayiye roz-e-mahshar Yeh teri rihayi ki chitthi mili hai

Jo maqsad ziyarat ka bar aaye phir to Na kuch qasd keeje yeh qasd-e-dili hai

Tere dar ka darbaan hai Jibreel-e-A’zam Tera madh-khwan har Nabi-o-wali hai

Shafa’at kare hashar mein jo Raza ki Siwa tere kis ko yeh qudrat mili hai