Naam Leva Tera

Naam lewa tera kocha se tere shaad aaya Kab tere dar se koi laut ke bedaad aaya

Le gaya dil ki muraadon se woh bhar kar daaman Jo tere roze pe karta hua faryaad aaya

Tere roze ko na kyon qibla-e-haajaat kahoon Laut kar shaad gaya jo koi naashaad aaya

Naam ne tere har ik gham se bachaya hum ko Ranj sab bhool gaye tu humein jab yaad aaya

No Internet? No Problem! Get the App for Offline Lyrics!

Jab ghulamon ne museebat mein tujhe yaad kiya Aan ki aan mein tu barsar-e-imdaad aaya

Tujh pe qurbaan main aye aaina-e-zaat-e-Khuda Ik nazar dekh liya tujh ko Khuda yaad aaya

Kab woh din hoga Ilahi ke yeh ahbaab kahein Aye Jameel-e-Razvi dekh tu Baghdad aaya