Na Kyunkar Matla e Deewan

Na kyunkar matla-e-deewan ho matla mehr-e-wahdat ka? Ke haath aaya hai misra mujh ko angusht-e-shahadat ka

Ghazab se tere darta hoon Raza ki teri khwahish hai Na main bezaar dozakh se na main mushtaq-e-jannat ka

Na poochho garmi-e-shauq-e-sana ki aatish-afrozi Bana jaata hai dast-e-ajz shola shama-e-fikrat ka

Farogh-e-jalwa-e-tauheed ko woh barq-e-jolan kar Ke khirman phoonk dewe hasti ahl-e-zalalat ka

Never Be Without Your Favorite Lyrics - Get the App for Offline Access!

Mera jauhar ho sar ta pa safa-e-mehr-e-Paighambar ﷺ Mera hairat-zada dil aaina khana ho sunnat ka

Ameer-e-lashkar-e-Islam ka mehkoom hoon yaani Irada hai mera fauj-e-malaik par hukumat ka

Zamama Mahdi-e-Moud ka paaya agar momin To sab se pehle to kahiyo salaam-e-pak Hazrat ka