Na Kaleem Ka Tasawur Na Khayal Toor Seena

Na Kaleem ka tasavvur na khayal-e-Toor-e-Seena Meri aarzoo Muhammad ﷺ meri justuju Madinah

Main gada-e-Mustafa ﷺ hoon meri azmatein na poocho Mujhe dekh kar jahannam ko bhi aa gaya paseena

Main mareez-e-Mustafa ﷺ hoon mujhe chhero ni tabeebo! Meri zindagi jo chaaho mujhe le chalo Madinah

Get Lyrics On-The-Go! Download Our App Now!

Mujhe dushmanon! na chhero mera hai jahan mein koi Main abhi pukaar loonga nahin door hai Madinah

Mere doobne mein baqi na koi kasar rahi thi Kaha ''Al-Madad Muhammad ﷺ'' toh ubhar gaya safeena

Siwa us ke mere dil mein koi aarzoo nahin hai Mujhe maut kabhi jo aaye toh ho saamne Madinah

Kabhi ae Shakeel dil se na mite khayal-e-Ahmad ﷺ Isi aarzoo mein marna isi aarzoo mein jeena