Na Kaleem Ka Tasawur Na Khayal Toor Seena

نہ کلیم کا تصورنہ خیال طورِ سینا میری آرزو محمد ﷺ میری جستجو مدینہ

Offline Lyrics Anytime, Anywhere - Download the App Today!

میں گداۓ مصطفیٰﷺ ہوں مری عظمتیں نہ پوچھو مجھے دیکھ کر جہنم کو بھی آ گیا پسینہ

میں مریض مصطفیٰ ﷺ ہوں مجھے چھیڑو نی طبیبو! مری زندگی جو چاہو مجھے لے چلو مدینہ

مجھے دشمنو! نہ چھیڑو میرا ہے جہاں میں کوئی میں ابھی پکار لوں گا نہیں دور ہے مدینہ

مرے ڈوبنے میں باقی نہ کوئی کسر رہی تھی کہا '' المدد محمد ﷺ'' تو ابھر گیا سفینہ

سوا اس کے میرے دل میں کوئی آرزو نہیں ہے مجھے موت کبھی جو آۓ تو ہو سامنے مدینہ

کبھی اے شکیل دل سے نہ مٹے خیالِ احمد ﷺ اسی آرزو میں مرنا اسی آرزو میں جینا