Musarat Se Seena Madina

Masarrat se seena Madinah bana tha Mazah khoob Ramzan mein aa raha tha

Pare ranj-o-gham ka andhera hua tha Mazah khoob Ramzan mein aa raha tha

Khabar jab ke Ramzan ki aamad ki aayi To murjhaye dil ki kali muskurayi

Kya abr-e-karam noor barsa raha tha Mazah khoob Ramzan mein aa raha tha

Nazar chand Ramzan ka jis waqt aaya Hua rehmaton ka zamane pe saya

Free Up Space - Get Lyrics Without Bulky Screenshots!

Ufuq par bhi abr-e-karam chha gaya tha Mazah khoob Ramzan mein aa raha tha

Khule bab-e-jannat, jahannam ko tale Pade, har taraf the ujaale ujaale

Woh mardood shaitan qaid-e bana tha Mazah khoob Ramzan mein aa raha tha

Tarane khushi ke faza gungunati Hawa bhi masarrat ke naghme sunati

Jidhar dekhiye marhaba marhaba tha Mazah khoob Ramzan mein aa raha tha

Fazayein bhi kya noor barsa rahi thin Hawayein masarrat se ithla rahi thin

Samaan har taraf kaif-o-masti bhara tha Mazah khoob Ramzan mein aa raha tha

Shab-o-roz rehmat ki barsaat hoti Ataon ki jholi mein khairaat hoti

Musalman ka daaman karam se bhara tha Mazah khoob Ramzan mein aa raha tha

Jo ulfat ke paimane taqseem hote To bakhshish ke parwane tarqeem hote

Khusha! bahr-e-rehmat ko josh aa gaya tha Mazah khoob Ramzan mein aa raha tha

Masajid mein har su bahar aa gayi thi Khuda ke karam ki ghata chha gayi thi

Jise dekho sajde mein aakar gira tha Mazah khoob Ramzan mein aa raha tha

Fazayein munawwar hawayein muattar Khuda ki qasam tha samaan kaif aawar

Dilon par bhi ik wajd sa chha gaya tha Mazah khoob Ramzan mein aa raha tha

Kaleje mein thandak thi, chehre pe paani Dilon mein bhi thi kis qadar shadmani

Sukoon mah-e-Ramzan mein kaisa mila tha Mazah khoob Ramzan mein aa raha tha

Musalman the khush rukh pe ronaq badi thi Khuda ke karam ki barasti jhadi thi

Ibadat mein dil kis qadar lag gaya tha Mazah khoob Ramzan mein aa raha tha

Sar-e-shaam iftar ki ronaqein thin Bawaqt-e-sahar kis qadar baraktein thin

Suroor aa raha tha mazah aa raha tha Mazah khoob Ramzan mein aa raha tha

Muqaddar ne ki yawari saath jin ke Masajid mein woh mu'takif ho gaye the

Ibadat ka kya khoob jazba mila tha Mazah khoob Ramzan mein aa raha tha

Ibadat mein ushshaq lazzat the paate Adab se tilawat mein sar ko jhukate

Namazon ka rozon ka bhi ik mazah tha Mazah khoob Ramzan mein aa raha tha

Munajat-e-iftar mein riqqatein thin Duaon mein bhi kis qadar lazzatein thin

Koi gidgidata koi cheekhta tha Mazah khoob Ramzan mein aa raha tha

Sana khwan jis waqt naatein sunate To Aqa ke ushshaq aansu bahate

Nasha khoob ishq-e-Nabi ka chadha tha Mazah khoob Ramzan mein aa raha tha

Muballigh azabon se jis dam darata Koi kapkapata koi thartharata

Koi gidgidata koi cheekhta tha Mazah khoob Ramzan mein aa raha tha

Ghadi jabke Ramzan ki rukhsat ki aayi Tadapte the sadme se islami bhai

Bilakta tha koi, koi ghamzada tha Mazah khoob Ramzan mein aa raha tha

Dam-e-rukhsat-e-mah-e-Ramzan musalman The ghamgeen-o-hairan, parishan parishan

Shab-e-Eid dekho jise ro raha tha Mazah khoob Ramzan mein aa raha tha

Mujhe mah-e-Ramzan ka gham de Elahi Mita hubb-e-duniya ki dil se siyahi

Mazah fani sansaar mein kya rakha tha Mazah khoob Ramzan mein aa raha tha

Jo the mu'takif "Madani Markaz" ke andar Bichare the Attar maghmoom-o-muztar

Dam-e-alwida un ka dil jal raha tha Mazah khoob Ramzan mein aa raha tha