Mujhe Toh Sirf Itna Hi Yaqeen Hai

Mujhe to sirf itna hi yaqeen hai Mera to bas yahi imaan-o-deen hai

Agar tum maqsad-e-aalam nahi ho To phir kuch maqsad-e-aalam nahi hai

Nahi main waqif-e-sirr-e-Ilahi Magar dil mein yeh nukta ja-gazein hai

Offline Lyrics Anytime, Anywhere - Download the App Today!

Jo dil anwaar se un ke hai roshan Wahi Kaaba wahi arsh-e-bareen hai

Yeh samjhe maani-e-Lau-lak main ne Ke hasti bakhshish-e-jaan-aafreen hai

Magar aazaar-e-hasti ka madaawa Ata-e-Rehmat-ul-lil-Aalameen hai

Woh shehr-e-be-hisar un ka, Madinah Ke jis ki khaak armaan-e-jabeen hai

Na samjho hum ko mehroom-e-nazaara Woh husn ab bhi nigahon ke qareen hai

Ke dil mein ma-siwa-e-ism-e-Ahmedؐ Nahi hai, kuch nahi hai, kuch nahi hai