Mujhe Toh Sirf Itna Hi Yaqeen Hai

مجھے تو صرف اتنا ہی یقیں ہے مرا تو بس یہی ایمان و دیں ہے

اگر تم مقصدِ عالم نہیں ہو تو پھر کچھ مقصدِ عالم نہیں ہے

نہیں میں واقفِ سرِ الہیٰ مگر دل میں یہ نکتہ جاگزیں ہے

Instant Access to Thousands of Lyrics - Tap to Install!

جو دل انوار سے ان کے ہے روشن وہی کعبہ وہی عرشِ بریں ہے

یہ سمجھے معنی لولاک میں نے کہ ہستی بخششِ جاں آفریں ہے

مگر آزارِ ہستی کا مداوا عطاۓ رحمت للعالمیں ہے

وہ شہر بے حصار ان کا، مدینہ کہ جس کی خاک ارمانِ جبیں ہے

نہ سمجھو ہم کو محروم نظارہ وہ حسن اب بھی نگاہوں کے قریں ہے

کہ دل میں ماسواۓ اسمِ احمدؐ نہیں ہے، کچھ نہیں ہے، کچھ نہیں ہے