Muhammad Mustafa Sale Ala

Muhammad Mustafa ﷺ salle ala mahboob-e-Rabbani Azal ki subah-e-irfani abad ki sham-e-imani

Huzoor ﷺ aaye toh chamkein fikr-e-insani ki tanveerein Huzoor ﷺ aaye toh tootein jabr-o-mehkoomi ki zanjeerein

Jame zehnon ka zang utra, bujhe chehron pe noor aaya Huzoor ﷺ aaye toh insaanon ko jeene ka shaoor aaya

Never Be Without Your Favorite Lyrics - Get the App for Offline Access!

Bashar ki peshwai ke liye shams-o-qamar aaye Huzoor ﷺ aaye toh imkanaat-e-hasti bhi nazar aaye

Tamaddun aaya tehzeeb aayi aman aaya qarar aaya Huzoor ﷺ aaye toh aalam pe bahaar aayi nikhaar aaya

Yateemon aur faqeeron ko panahain mil gayin aakhir Huzoor ﷺ aaye toh yeh tauqeer-e-hasti ka maqam aaya

Salam ae Rehmatul-lil-Aalameen sarkar-e-do aalam ﷺ Salam ae Mursal-e-Haq malik-o-mukhtar-e-do aalam ﷺ