Muhammad Ka Na Dar Milta Toh Deewane Kahan Jate

Muhammad ﷺ ka na dar milta diwane kahan jaate Lagi dil ki bujhane ko yeh mastane kahan jaate

Agar na mashal-e-wahdat jahan mein jalwa-gar hoti To phir sadiyon se aawara yeh parwane kahan jaate

Ghareebon be-saharon ko agar na aasra milta To yeh taqdeer ke maare Khuda jaane kahan jaate

No More Screenshots! Save Storage with Our Lyrics App!

Agar apnon ko hi lete Muhammad ﷺ zill-e-rehmat mein To phir mayoosiyan le kar yeh begane kahan jaate

Agar rudaad-e-gham sunte na Hazrat ﷺ be-nawaon ki To hum le kar gham-e-isiyan ke afsane kahan jaate

Agar na Rehmat-e-Aalam ke qadmon mein jagah milti To phir hum apne dil ke daagh dikhlane kahan jaate

Agar hote jabeenon pe na sajdon ke nishan Muslim To Khadim hashr mein Hazrat ﷺ ke pehchane kahan jaate