Mubarak Ho Habib e Akbar

Mubarak ho Habib-e-Rabb-e-Akbar aane wala hai Mubarak! Ambiya ka aaj afsar aane wala hai

Andheron mein bhatakte phirne walon ko mubarak ho Tumhein haq se milane aaj rehbar aane wala hai

Mubarak badnaseebon ko mubarak ho ghareebon ko Jahan mein bebason ka saya-gostar aane wala hai

Gunahgaro na ghabrao siyah-karo na gham khao Suno muzda Shafee-e-roz-e-mahshar aane wala hai

Liye parcham utar aaye hain Jibreel aasman se aaj Jahan mein aaj Maula ka payambar aane wala hai

Karo ghar ghar charaghan sabz parcham aaj lehrao Machao Marhaba ki dhoom Sarwar aane wala hai

Agar na aaj jhoomo ge to kab jhoomo ge deewano! Machal jao tumhara aaj yaawar aane wala hai

Tarawat kyun na ho hasil mere qalb-o-jigar ko aaj Jahan mein Bahr-e-Rahmat ka shinawar aane wala hai

Dil-e-ghamgeen ko mil jaye ga saman-e-rahat ka Suroor-e-dil, qarar-e-jaan-e-muztar aane wala hai

Jo hai sardar, aalam ke sabhi sajda-guzaron ka Khuda ka aaj woh saccha sanagar aane wala hai

Mubarak gham ke maro! gham ghalat ho jayenge saare Habib-e-Haq mudawa gham ka le kar aane wala hai

Jahan mein zulmaton ka chaak ho ga aaj se seena Khuda ke fazl se Mah-e-Munawwar aane wala hai

Bihamdillah imaan ab to mera le nahin sakta Arey chal bhaag shaitan mera yaawar aane wala hai

Khabar hai abr-e-rehmat aaj kyun duniya pe chhaye hain Jahan mein rehmaton ka aaj paikar aane wala hai

Stop Wasting Storage - Download Lyrics in Lightweight Text Format!

Mubarak ho Haleema Sa'diya tujh ko mubarak ho Teri godi mein kul aalam ka Sarwar aane wala hai

Utho ta'zeem ki khatir keh ghar mein Aaminah ke ab Wiladat ka woh lamha kaif-aawar aane wala hai

Uthao sabz parcham aur chalo sab Aaminah ke ghar Lutane rehmaten Haq ka payambar aane wala hai

Tasalli to rakho sairab bhi ho jao ge Attarؔ Chalakta jaam le kar Shah-e-Kausar aane wala hai