Mitte Hain Jahan Bhar Ke

Mittay hain jahan bhar kay aalam Madinah mein Bigray huay bantay hain sab kaam Madinah mein

Aaqa ki inayat hai har gaam Madinah mein Hota nahi koi bhi na-kaam Madinah mein

Aye hajiyo! ro ro kar keh dena salam un say Lay jao ghareebon ka paigham Madinah mein

Aajao gunahgaro be-khauf chalay aao Sarkar ki rehmat to hai aam Madinah mein

Woh Shafi-e-Mehshar to bulwa kay ghulamon ko Detay hain shafa'at ka inaam Madinah mein

Chhero na tabeebo tum bimar-e-Madinah ko Is ko to milay ga bas aaram Madinah mein

Jitnay bhi muballigh hain ho khaas karam un par Sab aayen Shahanshah-e-Islam Madinah mein

Darbar mein jab pohanchun aye kaash! Shaha us dam Deedar ka ho jaye inaam Madinah mein

Aye kaash! keh ro ro kar dam tor doon qadmon mein Ho jaye mera bil-khair anjam Madinah mein

Allah qayamat tak jis ka na khumar utray Ulfat ka piyoon aisa ik jaam Madinah mein

Aye kaash! tarap kar main Sarkar lagoon girnay Aur aap mujhay barh kar lain thaam Madinah mein

Bulwa kay Baqi Aaqa Hasnain kay sadqay mein Eidi mein ata kar do inaam Madinah mein

Woh apnay ghulamon ko shafqat say pilatay hain Bhar bhar kay may-e-ulfat kay jaam Madinah mein

Insaan kay bajaye main aye kaash! muqaddar say Hota koi adna sa sag-e-gumnam Madinah mein

Jab Shah-e-Madinah nay parda kiya duniya say Wallah gaya tha mach kehram Madinah mein

Why Screenshot When You Can Download? Get the App for Efficient Storage!

Attar pe ab aisa aye kaash! karam ho jaye Makkah mein sahar guzray to shaam Madinah mein