Mil Gayi Kesi Saadat

Mil gayi kaisi sa'adat mil gayi Mujh ko ab Hajj ki ijazat mil gayi

Phir Madine ka safar darpesh hai Phir Madine ki ijazat mil gayi

Mere Madani peer-o-murshid ke tufail Phir Madine ki ijazat mil gayi

Kyun na jhoomun kyun na lootun mujh ko toh Phir Madine ki ijazat mil gayi

Main khushi se mar na jaaun ab kahin Phir Madine ki ijazat mil gayi

Dede ya Rab! mujh ko taufeeq-e-adab Phir Madine ki ijazat mil gayi

Rone wali aankh dede ya Khuda! Phir Madine ki ijazat mil gayi

Ya Ilahi qalb-e-muztar ho ata Phir Madine ki ijazat mil gayi

Ab toh dede ya Khuda zauq-e-junoon Phir Madine ki ijazat mil gayi

Ya Khuda dede tarapne ki ada Phir Madine ki ijazat mil gayi

Atish-e-shauq aur karde tez-tar Phir Madine ki ijazat mil gayi

Ho ata soz-e-Bilal aye Zul-Jalal Phir Madine ki ijazat mil gayi

Un ke jalwe dekh le woh aankh de Phir Madine ki ijazat mil gayi

Ya Ilahi! Tu ata karde Baqi Phir Madine ki ijazat mil gayi

Mil gaya jis ko Baqi-e-pak use Qurbat-e-Mah-e-Risalat mil gayi

Jhoomu jhoomu khoob jhoomu zairo! Kya mila dar un ka jannat mil gayi

Qabr-e-Anwar ki ziyarat jis ne ki Us ko Aaqa ki shafa'at mil gayi

Arsh par toh Gumbad-e-Khazra kahan! Farsh tujh ko yeh sa'adat mil gayi

Ro rahe hain Aashiqan-e-Mustafa Wah wah kya khoob qismat mil gayi

Gham Madine ka jise bhi mil gaya Do jahan ki us ko ne'mat mil gayi

Taj-e-shahi us ke aage hech hai Mustafa ki jis ko ulfat mil gayi

Hum ko faizan-e-Madina mil gaya Kaisi aala hum ko ne'mat mil gayi

Main Madine mein marun is haal mein Sab kahein is ko shahadat mil gayi

"Al-Madina chal Madina" jhoom kar Jab pukara dil ko rahat mil gayi

Get Lyrics On-The-Go! Download Our App Now!

Jab tarap kar Ya RasoolAllah kaha Foran Aaqa ki himayat mil gayi

Anbiya saare khare hain saf-ba-saf Mere Aaqa ko imamat mil gayi

Khak-e-Taiba se kiya jis ne ilaj Har marz se us ko rahat mil gayi

Meri qismat ki yehi me'raj hai Un ke kafsh-e-pa se nisbat mil gayi

Dono aalam mein hua woh surkhuro Jis ko un ki chashm-e-rehmat mil gayi

Main Imam Ahmed Raza ka hoon ghulam Kitni aala mujh ko nisbat mil gayi

Rah-e-Sunnat mein hua jo bhi zalil Us ko un ke dar se izzat mil gayi

The gunah had se siwa Attar ke Un ke sadqe phir bhi jannat mil gayi

Kyun na rashk aaye hamein Attar par Is ko Taiba ki ijazat mil gayi