Meri Qismat Jagane Ko Nabi Ka Naam Kafi Hai

Meri qismat jagane ko Nabi ka naam kaafi hai Hazaaron gham mitaane ko Nabi ka naam kaafi hai

Ghamon ki dhoop ho ya phir hawaaen tez chalti hoon Mere us aashiyaane ko Nabi ka naam kaafi hai

Khushi ho ya koi gham ho Nabi ka naam leta hoon Ke har ek gham mitaane ko Nabi ka naam kaafi hai

Nabi ka naam leta hoon sukoon-e qalb milta hai Nabi ke us deewane ko Nabi ka naam kaafi hai

Jo poocha kamli-wale ne kaha Sadiq Akbar ne Mere saare gharane ko Nabi ka naam kaafi hai

Sulagti aag pe Habshi ke honton se sadaa aayi Meri bagri banane ko Nabi ka naam kaafi hai

Instant Access to Thousands of Lyrics - Tap to Install!

Yahi kehta hai mehki bhi yahi sab log kehte hain Ke us saare zamane ko Nabi ka naam kaafi hai