Meri Qismat Jagane Ko Nabi Ka Naam Kafi Hai

میری قسمت جگانے کو نبی کا نام کافی ہے ہزاروں غم مٹانے کو نبی کا نام کافی ہے

غموں کی دھوپ ہو یا پھر ہوائیں تیز چلتی ہوں میرے اس آشیانے کو نبی کا نام کافی ہے

خوشی ہو یا کوئی غم ہو نبی کا نام لیتا ہوں کہ ہر اک غم مٹانے کو نبی کا نام کافی ہے

نبی کا نام لیتا ہوں سکونِ قلب ملتا ہے نبی کے اس دیوانے کو نبی کا نام کافی ہے

جو پوچھا کملی والے نے کہا صدیق اکبر نے میرے سارے گھرانے کو نبی کا نام کافی ہے

سلگتی آگ پہ حبشی کے ہونٹوں سے صدا آئی میری بگڑی بنانے کو نبی کا نام کافی ہے

یہی کہتا ہے مہکی بھی یہی سب لوگ کہتے ہیں کہ اس سارے زمانے کو نبی کا نام کافی ہے