Mere Zakhamon Ka Dunya

Mere zakhmon ka duniya mein marham nahi Main Madine chala ab koi gham nahi

Khak-e-Taiba ko chhoo kar na aaye agar Mehraban koi bhi aisa mausam nahi

Aap ﷺ ke gar paseene se nisbat na ho Koi khushboo nahi koi shabnam nahi

Download Lyrics & Access Offline - Install Our App Now!

Hashr mein hogi sab ki nazar Aap ﷺ par Aap ﷺ jaisa koi bhi mukarram nahi

Aap ﷺ ke dar pe jis ne salami na di Koi aala nahi koi aazam nahi

Aap ﷺ ke dam se Haq ko mili zindagi Kufr ke seene mein aaj bhi dam nahi

Qutub-o-Abdal Ghous aur Shah-o-Gada Kaun hai jis ka Taiba mein sar-e-kham nahi

Khud Khuda bhejta hai durood-o-salam Naam-e-Ahmad ﷺ hi kya ism-e-aazam nahi

Zikr-e-Ahmad ﷺ se Ahsan karam ho gaya Ab masaib ka lehja bhi barham nahi