Mere Zakhamon Ka Dunya

میرے زخموں کا دنیا میں مرہم نہیں میں مدینے چلا اب کوئی غم نہیں

خاکِ طیبہ کو چھو کر نہ آۓ اگر مہرباں کوئی بھی ایسا موسم نہیں

آپؐ کے گر پسینے سے نسبت نہ ہو کوئی خوشبو نہیں کوئی شبنم نہیں

حشر میں ہوگی سب کی نظر آپؐ پر آپؐ جیسا کوئی بھی مکرّم نہیں

آپؐ کے در پہ جس نے سلامی نہ دی کوئی اعلیٰ نہیں کوئی اعظم نہیں

آپؐ کے دم سے حق کو ملی زندگی کفر کے سینے میں آج بھی دم نہیں

قطب و ابدال غوث اور شاہ و گدا کون ہے جس کا طیبہ میں سر خم نہیں

خود خدا بھیجتا ہے درود و سلام نامِ احمدؐ ہی کیا اسم اعظم نہیں

Stop Wasting Storage - Download Lyrics in Lightweight Text Format!

ذکرِ احمدؐ سے احسنؔ کرم ہوگیا اب مصائب کا لہجہ بھی برہم نہیں