Mere Seene Main Yaad e Muhammad

Mere seene mein yaad Muhammad ﷺ mere honton pe zikr-e-Madinah Tajdar-e-Haram ke karam se aagaya zindagi ka qarina

Free Up Space - Get Lyrics Without Bulky Screenshots!

In ki chash-e karam ki ata hai mere seene mein in ki ziyaa hai Yaad-e Sultan Taiba ke sadqe mera seena hai misl-e-nagina

Main ghulam-e ghulaman-e Ahmad mein sag-e-Astan-e Muhammad ﷺ Qaabil-e fakhr hai mout meri, qaabil-e-rashk hai mera jeena

Har khata par meri chashm-e-poshi, har talab par ataon ki barish Mujh gunahgar par kis qadr hain mehrban Tajdar-e-Madinah

Mujh ko toofan ki maujon ka kya dar, woh guzar jayega rukh badal kar Nakhuda hain mere jab Muhammad ﷺ kaise doobe ga mera safina

Dil shikasta hai mera to kya gham is mein rehte hain Shah-e Do Alam Jab se mehmaan hue hain woh dil mein dil mera ban gaya hai Madinah

Dolat-e Ishq se dil ghani hai meri qismat hai Rashk-e-Sikandar Madhat-e-Mustafa ki badolat mil gaya hai mujhe yeh khazina