Mere Seene Main Yaad e Muhammad

میرے سینے میں یاد محمدﷺ میرے ہونٹوں پہ ذکرِ مدینہ تاجدارِ حرم کے کرم سے آگیا زندگی کا قرینہ

ان کی چشمِ کرم کی عطا ہے میرے سینے میں ان کی ضیاء ہے یادِ سلطان طیبہ کے صدقے میرا سینہ ہے مثلِ نگینہ

میں غلامِ غلامانِ احمد میں سگِ آستانِ محمدﷺ قابلِ فخرہے موت میری قابلِ رشک ہے میرا جینا

ہر خطا پر میری چشم پوشی ہر طلب پر عطاؤں کی بارش مجھ گنہگار پر کس قدر ہیں مہرباں تاجدار مدینہ

مجھ کو طوفاں کی موجوں کا کیا ڈر وہ گزر جاۓ گا رخ بدل کر ناخدا ہیں میرے جب محمد ﷺ کیسے ڈوبے گا میرا سفینہ

دل شکستہ ہے میرا تو کیا غم اس میں رہتے ہیں شاہِ دو عالم جب سے مہماں ہوۓ ہیں وہ دل میں دل میرا بن گیا ہے مدینہ

دولتِ عشق سے دل غنی ہے میری قسمت ہے رشکِ سکندرؔ مدحتِ مصطفیٰ کی بدولت مل گیا ہے مجھے یہ خزینہ