Mere Kamli Wale Ki

Mere kamli wale ki shaan hi narali hai Do jahaan ke daata hain sara jag sawali hai

No More Screenshots! Save Storage with Our Lyrics App!

Khuld jis ko kehte hain meri deekhi bhaali hai Sabz sabz gunbad hai aur sunehri jaali hai

Chaand ki tarah un ko hum kahen to mujrim hain Kyunki un ki chaukhat par chaand khud sawali hai

Chhaon meheki meheki hai dhoop thandi thandi hai Shahr-e-Mustafa teri baat hi narali hai

Woh Bilal Habashi hoon ya Owais-e-Qarni hoon Un pe marne walon ki har ada narali hai

Har taraf Madinah mein bheed hai faqiron ki Ek dene wala hai sara jag sawali hai

Hum gunah-garon ko Rab se bakhshwa len ge Un ke Rab ne kab un ki koi baat tali hai