Mere Kamli Wale Ki

میرے کملی والے کی شان ہی نرالی ہے دوجہاں کے داتا ہیں سارا جگ سوالی ہے

خلد جس کو کہتے ہیں میری دیکھی بھالی ہے سبز سبز گنبد ہے اور سنہری جالی ہے

چاند کی طرح ان کو ہم کہیں تو مجرم ہیں کیونکہ ان کی چوکھٹ پر چاند خود سوالی ہے

More Lyrics, Less Storage - Install the App and Ditch the Screenshots!

چھاؤں مہکی مہکی ہے دھوپ ٹھنڈی ٹھنڈی ہے شہرِ مصطفیٰ تیری بات ہی نرالی ہے

وہ بلال حبشی ہوں یا اویسِ قرنی ہوں ان پہ مرنے والوں کی ہر ادا نرالی ہے

ہر طرف مدینے میں بھیڑ ہے فقیروں کی ایک دینے والا ہے سارا جگ سوالی ہے

ہم گناہ گاروں کو رب سے بخشوا لیں گے ان کے رب نے کب ان کی کوئی بات ٹالی ہے