Meetha Madina Door Hai

Meetha Madinah door hai jaana zaroor hai Jaana hamein zaroor hai jaana zaroor hai

Rah-e-Madinah ka toh har kaanta bhi phool hai Deewana ba-shaoor hai jaana zaroor hai

Hota hai sakht imtehan ulfat ki raah mein Aata hai magar suroor hai jaana zaroor hai

Ishq-e-Rasool ﷺ dekhiye Habshi Bilal ka Zakhmon se choor choor hai jaana zaroor hai

Pur-khar raah paaon mein chhale bhi pad gaye Is mein bhi toh suroor hai jaana zaroor hai

Himmat jawab de gayi Sarkar ﷺ al-madad Zair thakan se choor hai jaana zaroor hai

Hai dhoop bhi kadi aur lagi pyaas bhi badi Paani ka chashma door hai jaana zaroor hai

Deewano! sharmao na tum deewangi mein ke Yeh nafs ka gharoor hai jaana zaroor hai

Kyun thak gaye palat gaye himmat gaye kyun haar! Bandon hi ka qasoor hai jaana zaroor hai

Tujh ko darati hain safar ki jo sa'abatein Yeh nafs ka fatqur hai jaana zaroor hai

Ushaaq ko toh milti hai gham mein bhi raahat aur Aata bada suroor hai jaana zaroor hai

Sarkar ﷺ ka Madinah yaqeenan bila-shuba Qalb-o-nazar ka noor hai jaana zaroor hai

Offline Lyrics Anytime, Anywhere - Download the App Today!

Manzar haseen-o-dilruba Un ﷺ ke dayaar ka Haan dekhna zaroor hai jaana zaroor hai

Dekhunga jaa ke Gumbad-e-Khazra ki main bahaar Rauza watan se door hai jaana zaroor hai