Marhaba Muqadar Phir Aaj Mukaraya Hai

Marhaba! Muqaddar phir aaj muskuraya hai Phir mujhe Madine mein Shah ne bulaya hai

Khoob Masjid-e-Nabwi ka haseen hai manzar Sabz sabz gumbad par kaisa noor chhaya hai

Meri gandi aankhon ko in najis nigahon ko Shukriya Madine ka baagh phir dikhaya hai

Mujh sa paapi aur badkar aur aap ka darbar! Biliqeen mujh par bhi rahmaton ka saya hai

Ya Nabi! Shifa dedoo az-paye Raza dedoo Khoob zor, isyaan ke rog ne dikhaya hai

Jis ko sab ne thukraya aur dil ko tadpaya Sadqay jaaun us ko bhi aap ne nibhaya hai

Nafraton ke daldal mein dushmano ke chungal mein Jab kabhi phansa hoon main aap ne bachaya hai

Aadatein gunahon ki haye! kam nahi hotein Aah! nafs o shetan ne zor se dabaya hai

Waari jaaun main tum par aa bhi jaau ab Sarwar! Koi dam ka hoon mehman dam labon par aaya hai

Haq ne kardiya maalik tum ko sab khazanon ka Tum ne hi khilaya hai tum ne hi pilaya hai

Kyun fida na ho Attar aap par Shah-e-Abrar Is ko apne daaman mein aap ne chupaya hai

No Internet? No Problem! Get the App for Offline Lyrics!

Aap ke karam se yeh dhoom hai qayamat mein Dekho dekho Attar ab kitna khush khush aaya hai