Marhaba Kiya Roza Sarkar Hai

Marhaba kya roza-e-Sarkar hai Sara alam talib-e-deedar hai

Ishq se Aqa ke jo sarshar hai Taiba jaane ke liye taiyaar hai

Pyari pyari hai Madinah ki fiza Lamha lamha barish-e-anwaar hai

Chehra-e-anwar dikhana khwab mein Iltija sab ki yahi Sarkar hai

Hai minar-e-Masjid-e-Nabvi haseen Gumbad-e-Khizra magar shahkaar hai

Al-madad pyare Nabi pyare Nabi Jo pukare us ka beera paar hai

No More Screenshots! Save Storage with Our Lyrics App!

Ek pal mein Arsh-e-Aazam par gaye Kya mere Sarkar ki raftar hai

Ab manao Eid-e-Milad-un-Nabi Haan aqeedat ka yahi izhaar hai

Maut aaye kash Taiba mein Kamalؔ Maut se bhala kis ko inkaar hai