Marhaba Kiya Roza Sarkar Hai

مرحبا کیا روضہ سرکار ہے سارا عالم طالب دیدار ہے

عشق سےآقا کےجوسرشارہے طیبہ جانے کے لۓ تیار ہے

پیاری پیاری ہے مدینہ کی فضا لمحہ لمحہ بارش انوار ہے

چہرہ انور دکھانا خواب میں التجا سب کی یہی سرکار ہے

ہے مینار مسجد نبوی حسین گنبد خضریٰ مگرشاہکار ہے

المدد پیاری نبی پیارے نبی جو پکارے اس کا بیڑہ پارہے

ایک پل میں عرش اعظم پرگۓ کیا میرے سرکار کی رفتار ہے

اب مناؤ عید میلاد النبی ہاں عقیدت کا یہی اظہارہے

موت آۓ کاش طیبہ میں کمالؔ موت سے بھلا کس کو انکار ہے