Mareez e Hijar Ka Mushkil Hai jeena

مریضِ ہجر کا مشکل ہے جینا یا رسولؐ اللہ دکھا دیجۓ دکھا دیجۓ مدینہ یا رسولؐ اللہ

غریقِ بحرِ عصیاں ہیں گرفتارِ مصیبت میں کنارے سے لگادیجۓ سفینہ یا رسولؐ اللہ

نچھاور گنبدِ خضریٰ پہ جا کر جان ودل کردوں کوئی ایسا بھی آجاۓ مہینہ یا رسولؐ اللہ

چھپا لو اب چھپا لو اپنے دامانِ شفاعت میں خطاؤں پر ہے نادم یہ کمینہ یا رسولؐ اللہ

Why Screenshot When You Can Download? Get the App for Efficient Storage!

کشادہ ہوگئی آغوش رحمت اے زہے قسمت جو آیا شرم عصیاں سے پسینہ یا رسولؐ اللہ

غمِ دنیا کی ظلمت مجھ سے کتراکر گزر جاۓ منور اس قدر ہوجاۓ سینہ یا رسولؐ اللہ

خزانہ رحمتوں کا رات دن بٹتا ہے منگتوں میں تمہارا در ہے رحمت کا خزینہ یا رسولؐ اللہ

حضورؐ اپنے کرم اپنی عطاؤں پر نظرکیجۓ دعا کا بھی نہیں مجھ کو قرینہ یا رسولؐ اللہ

عطا کردو وہ معراجِ تصور اپنے خالدؔ کو جدھر دیکھے نظر آۓ مدینہ یا رسولؐ اللہ