Mangte Khali Haath Lotay

Mangte khaali haath na laute, kitni mili khairaat na poochho Un ka karam phir un ka karam hai un ke karam ki baat na poochho

Ishq-e-Nabi ﷺ kaunain ki daulat! Ishq-e-Nabi ﷺ bakhshish ki zamanat Is se barh kar dast-e-talab mein hai bhi koi saugaat na poochho

Rashk-e-jinaan Taiba ki galiyan, har zarra Firdous-ba-daaman Charon taraf anwaar ka aalam, rehmat ki barsaat na poochho

Zahir mein taskeen-e-dil-o-jaan batin mein meraj-e-dil-o-jaan ﷺ Naam-e-Nabi ﷺ phir naam-e-Nabi ﷺ hai naam-e-Nabi ﷺ ki baat na poochho

Taaj-e-shafa'at sar par pehne Hashr ka dulha aa pahuncha hai Aankhein kholo, ghaur se dekho, kis ki hai baaraat na poochho

Get Lyrics On-The-Go! Download Our App Now!

Main kya aur kya meri haqeeqat sab kuch hai Sarkar ki nisbat Main to bura hoon lekin meri laaj hai kis ke haath na poochho

Khalid main sirf itna kahoon ga jaag utha ashkon ka muqaddar Yaad-e-Nabi ﷺ mein rote rote kaisi kati hai raat na poochho