Main Nokar Hun Shah e Madina Ka

Main naukar hoon Shah-e-Madinah ka sun lo mujhe baadshahi ki chahat nahin hai Jo daulat mili hai mujhe aake dekho kisi ko mayassar ye daulat nahin hai

Instant Access to Thousands of Lyrics - Tap to Install!

Ghairon ke dar se main kyun jaake mangoon wahan jaake kyun main ye daaman bichhaun Mere Mustafa ne bhara aisa daaman ke ab maangne ki zaroorat nahin hai

Woh doobe hue shams ko mod dena woh ungli uthakar qamar tod dena Bade hukmaran hum ne dekhe hain lekin kisi ne bhi yun ki hukumat nahin hai

Jo Yusuf ne dekha rukh-e-Mustafa ko qasam hai mujhe mere Maula ki yaaro To un ki zabaan par yahi baat aayi ke aisi haseen koi surat nahin hai

Rah-e-haq mein poora kunba lutana woh neze pe chadh kar Quran sunana Tilaawat hazaron ne ki hai magar haan kisi ne bhi ki yun tilaawat nahin hai

Mera jism ghadi bhi dam-e-aakhireen ho to ho saamne mere Aqa ka chehra Mere dil mein Hakim yahi aarzoo hai is ke siwa koi hasrat nahin hai